ის ძუძუმწოვარი ცხოველია და ენოტისებრთა ოჯახს მიეკუთვნება. შავ-თეთრი შეფერილობისაა: თეთრი ბეწვი აქვს ყურებზე, ფეხებზე, კუდის წვეროზე, მხრები კი შავი ფერისა აქვს. მიხვდით, ვისზეა საუბარი? დიახ! ეს პანდაა.
დიდ პანდას ბამბუკის დათვსაც ეძახიან, რადგან იგი გარეგნულად მართლაც ამ ცხოველს მოგაგონებს. ზრდასრული პანდები ზოგჯერ 100 კილოზე მეტსაც იწონიან.
დღეს ბუნებრივ გარემოში მხოლოდ 1000 პანდაა. მსოფლიოს სხვადასხვა ზოოპარკში კი სულ 140 პანდა ცხოვრობს.
თათებზე პანდას 6 თითი აქვს. ამდენი იმიტომ რომ ბამბუკი კარგად დაიჭიროს ხელში. ამ ხის ყლორტები ხომ მისი საყვარელი საკვებია.
პანდებს გადაშენების საფრთხე ემუქრებათ და წითელ წიგნში არიან შეყვანილი.
პანდა გამოსახულია ბუნების დაცვის მსოფლიო ფონდის ლოგოზე WWF (World Wildlife Found). ფონდის დამაარსებელი და ლოგოს შემქმნელი გახლავთ პიტერ სკოტი.
მეცნიერებმა ჯერ კიდევ ვერ დაადგინეს, საშუალოდ რამდენ ხანს ცოცხლობს პანდა ბუნებრივ პირობებში. ზოოპარკში კი მათი სიცოცხლის ხანგრძლიობა მაქსიმუმ 40 წელია.
უპასუხე შეკითხვას კომენტარებში და შეავსე კროსვორდი, ფერადი უჯრებში კი პანდას საყვარელი ხის სახელწოდებას მიიღებ 🙂
- სხეულის რა ნაწილი აქვს პანდას შავი შეფერილობის?
- ცხოველი, რომელსაც პანდას ამსგავსებენ.
- საშუალოდ რამდენ წელს ცოცხლობს პანდა არაბუნებრივ პირობებში?
- ზუზუმწოვართა რომელ ოჯახს მიეკუთვნება პანდა?
- ფეხების კუდის გარდა სხეულის რომელი ნაწილი აქვს პანდას თეთრი?
- ადგილი სადაც ბუნებრივი პირობების გარდა პანდას ნახვა შეგიძლია.
- რამდენი თითი აქვს თათზე?
კომენტარები